SESHEGO: E be e le papadi ye boima magareng ga Young Tigers FC le Master Pieces FC.

Papadi ye e be e ralokwa lefelong la Juju Valley go la Seshego Zone 1 ka ntle ga Polokwane. Baraloki ba Master Pieces ba ralokile boima karolong ya mathomo mme ba feleletša ba nošitše nno ya bona ya mathomo.

GADIKGALE: Kgwele ya maoto ke papadi yeo batho ba e šomišago go itšhidulla marapo le digoba tša mmele, go fokotša makhura mmeleng le go phefa malwetši, go fokotša kgatelelo ya monagano, go kopana le batho goba go go sepetša nako goba gona go dio ipshina... go dio ipshina o a tseba.

SESHEGO: Levy Molokomme o dumela gore ge baswa ba ka godišwa gabotse e sa le ba bannyane, lefase e ka ba le lekaone kudu. Ke ka lebaka leo a tshwenyegago ka tšweletšo ya motse wa gabo mme ga a rate go bona baswa ba laolwa ke madila le diokobatši.

SESHEGO: E be e le papadi e boima go manaba, Polokwane United FC le Sunny Blades Legacy FC. Dihlopha tše di be di nyaka go šupetšana gore nkgwete ya kgwele ke mang.

GAMASEMOLA: Mologadi Mahlase wa mokgatlo wa go tsebega ka Mologadi le Setšo seleteng sa Sekhukhune ga-Masemola, o re ke mengwaga ye seswai ba swara le go keteka meletlo ya bohwa ka bjala bja morula. O re o dumela gore bjala bja morula ke bjala bja setšo sa Maaforika.

SESHEGO: Barati ba mmino wa jese (jazz) ba kopane go swara moletlo wa bona wa mathomo ka morago ga dikgwedi tše tharo. Ba kopane lefelong la madila, Jack Knife Liquor Tavern, go la Seshego Zone 1 ka ntle ga Polokwane. Moletlo wa mohuta wo o thomile ka 2004 mme ba o swara ka morago ga dikgwedi tše tharo mafelong a go fapafapana.

GADIKGALE: Batswadi le badudi ba be ba keteka mebileng, ba letša mekgolokwane ba letetše bana ba bona ka makatanamane gore ba bowe gae go tšwa komeng. Ba be ba palelwa ke go leta go bona difahlego tša bona.
Se ke ka lebaka la mathata a bana ba bararo bao ba hlokofaletšego komeng mo Limpopo. Batswadi ba be ba thakgetše kudu ge ba be ba bona bana ba bona ba bowa ntle le mathata.

2020 ke ngwaga wa bo65 ge e sa le go amogelwa Lengwalo la Tokologo (Freedom Charter). Ka 26 Phupu 1955, Seboka sa Mašaba sa Temokrasi se ile sa rapa Kopano ya Batho kua Kliptown, Soweto.

PRAKTISEER: Kiletšo ya mosepelo e rutile baswa ba bangwe mekgwa ya go dira tšhelete gore ba phele.

Jerry Mosima o ile a tšeya sephetho sa gore a be mohlolamošomo ntle le gore a swane le makgolokgolo a baswa bao ba sepelago ba nyakana le mešomo. Lesogana le la mengwaga ye 22 go tšwa Praktiseer ka ntle ga Burgersfort le ile la thoma kgwebo ya go hlatswetša batho dieta tša bona ka kgwedi ya Hlakola 2020 mme a e bitša ‘Jerry Shoe Washing’. O re ga se go be bonolo go e thakgola.

DENNILTON: Ge a gola, toro ya Jane Makopole e be e le go ba morutišigadi efela a palelwa ke go fihlelela toro ye ka lebaka la tlhokego ya tšhelete.

O gotše a na le bokgoni bja go roka diaparo mme a tšeya sephetho sa go fetola bokgoni bjo gore bo mo šomele. Ka morago ga go fetša go ithuta go roka ga maleba, mosadi yo wa mengwaga ye 37 go tšwa Dennilton o ile a bula kgwebo yeo a e bitšago ‘Bolao Fashion’.

POLOKWANE: “Ke thabile kudu ka lebaka la maitekelo a Tim Tebeila Foundation (TTM) a go thuša go humana ditharollo tša mathata a thuto mo Limpopo. Badirišani ba bohlokwa kudu go rena bjalo ka Kgoro ya Thuto. Ka lebaka la tlhaelelo ya mašeleng, ntle le thušo le thekgo ya lekala la praebete, bjalo ka kgoro re ka se kgone go fihlelela tše dintši. Ke ka lebaka leo re gokarago ka lethabo Tim Tebeila Foundation bjalo ka modirišani mo lekaleng le,” gwa realo Tona ya Thuto ya Motheo, Mdi Angie Motshekga, ge a efa polelokgolo letšatšing la bobedi la dipoledišano, 14 Lewedi 2018, hotelengtsoko ka ntlenyana ga Polokwane.

Maemo a ekonomi a a hlobaetša mono nageng moo mešomo le yona e hlokegago. Mahlatse Mailula (29) go tšwa Seshego Zone 3 o re tharollo ke gore baswa ba itlholele mešomo. Go tloga ka ngwaga wa 2016 Mailula a tšweletša tšhese go fihla le lehono. O re toro ya gagwe e kgolo ke go ba le feme (factory) ya go tšweletša tšhese ka bontši.

BLOODRIVER: Batho ba sa tšeya kariki ya ditonki bjalo ka mohuta wa senamelwa sa kgale mme ba bangwe ba jewa ke dihlong go sepela ka tšona matšatši a. Efela tše ka moka ga di re selo go Jan Mashaba. Go yena, kariki ya ditonki ke moepo wa gauta ... o bone monyetla wa go dira tšhelete a o tšeya ka matsogo a mabedi.